Almaty oblysynda er adam áıeldi qutqaramyn dep kisi óltirdi
TALDYQORǴAN. QazAqparat - Almaty oblysy Іle aýdanyna qarasty Boraldaı aýyly mańynda qamys arasynan shamamen 35-40 jastaǵy er adamnyń denesi tabyldy. Oblystyq ІІD baspasóz qyzmetiniń málimdeýinshe kisi óltirdi degen kúdikpen kúl-qoqystan temir-tersek terip júrgen jergilikti turǵyn ustaldy, dep habarlaıdy QazAqparat tilshisi.
Kúdikti bul áreketke qaza bolǵan adam tanys áıeldi zorlaǵaly jatqanda arasha túsip bardym dep aqtalýda. Kúdiktiniń málimdemesin kýáger retinde shaqyrylǵan azamatsha da rastap berdi. Sondaı-aq, ol ózin belgisiz bireýdiń zorlaýǵa áreket jasaǵany týraly tártip saqshylaryna aryzdandy. Tergeý barysynda kúdikti kinásin moıyndap, jábirlenýshige qalaı jáne neshe jerden pyshaq salǵanyn aıtyp berdi.
Polıtsııada anyqtalǵandaı, ustalǵan azamat buryn da aýyr qylmystary úshin qylmystyq jaýapkershilikke tartylǵan. Al qaza bolǵan azamattyń kim ekeni áli anyqtalmady.
