Almaty oblysynda epıdahýal nasharlady
ALMATY OBLYSY. QazAqparat – Almaty oblysynda koronavırýs ınfektsııasy boıynsha epıdemıologııalyq ahýal nasharlaı túsýde, óńir «qyzyl» aımaqta. Bul týraly oblystyń Sanıtarlyq-epıdemıologııalyq baqylaý departameti málim etti, dep habarlaıdy QazAqparat tilshisi.
Epıdemıologııalyq matrıtsa baǵalaýy boıynsha, Eskeldi men Talǵar aýdany, Tekeli men Taldyqorǵan qalasy «qyzyl» aımaqta, Іle, Qaratal aýdandary «sary» aımaqta, qalǵan qalalar men aýdandar «jasyl» aımaqta.
2020 jyldyń naýryz aıynan beri KVI-diń 29 872 laboratorııalyq rastalǵan jaǵdaıy tirkeldi. Olardyń 19 167-si - sımptommen. Oblys boıynsha koronavırýstyń ósý qarqyny sońǵy eki aptada 0,4%-dan 0,6%-ǵa artty.
Negizinen, KVI jáne «Delta» vaktsınalanbaǵan turǵyndar arasynda tirkelgen, bul vaktsınatsııanyń tıimdiligi joǵary ekenin kórsetedi.
Búgingi tańda birinshi komponentpen 513 109 adam egildi, ekinshi komponent 291 549 adamǵa salyndy. Vaktsınalanǵandar sany boıynsha pedagogtar (37 594) jáne medıtsına qyzmetkerleri (23 167) kósh bastap tur.
