Almaty oblysynda energetıkalyq baqylaý komıtetiniń laýazymdy tulǵalary paramen ustaldy

NUR-SULTAN. QazAqparat - Almaty oblysy boıynsha Sybaılas jemqorlyqqa qarsy qyzmet QR Energetıka mınıstrligi Atomdyq jáne energetıkalyq qadaǵalaý men baqylaý komıteti Almaty oblysy boıynsha departamentiniń laýazymdy tulǵalaryn aýyr sybaılas jemqorlyq qylmys jasaý kúdigi boıynsha áshkereledi, dep habarlaıdy QazAqparat atalǵan vedomstvonyń baspasóz qyzmetine silteme jasap.

Osylaısha, osy Departamenttiń basshysy ózine baǵynyshty – bas mamannyń deldaldyǵy arqyly Talǵar AEJ qyzmetkerinen osy mekemedegi elektr energetıkasy salasyndaǵy tekserý nátıjeleri boıynsha oń qorytyndy bergeni úshin aıtarlyqtaı mólsherde para alý kúdigine ilindi.

Atalǵan tulǵalar para alý jáne berý, sondaı-aq osyǵan deldal bolý faktileri boıynsha óz kinálaryn tolyq moıyndaýlaryna baılanysty ustalǵan joq.

Tergeý jalǵasýda.

QІJK-niń 201-babyna sáıkes tergeý múddesindegi basqa da málimetter jarııa etýge jatpaıdy.