Almaty oblysynda eńbek ardageriniń 20 medalin urlap ketti
TALDYQORǴAN.QazAqparat - Almaty oblysynda eńbek ardageriniń memlekettik nagradalaryn urlaǵan kúdiktiler qolǵa tústi. 25 jáne 30 jastaǵy azamattar jasaǵan qylmystaryn moıyndady, dep habarlaıdy QazAqparat tilshisi.
Oqıǵa Kóksý aýdanynda bolǵan. 6 qańtar kúni aýdandyq polıtsııa bólimshesine 91 jastaǵy qarııa aryzdanǵan. Anyqtalǵandaı, jańa jyl túninde aqsaqal kórshisiniń úıine shyǵyp ketken. Osy sátte jalǵyzbasty zeınetkerdiń úıine ury túsip, 7 myń teńge aqshasyn jáne 20 medalin urlap ketken. Alǵashqyda tek aqsha joǵaldy degen aqsaqal quzyrly organǵa shaǵymdanbaǵan. Biraq, sońynda memlekettik nagradalaryn da urylardyń qoldy etkenin bilgen.
«Polıtsııa kapıtany Talǵat Ospanǵazy men polıtsııa leıtenanty Janat Seıilbekov birneshe kúnniń ishinde jergilikti eki turǵyndy kúdikti retinde anyqtap, ustady. 25 jáne 30 jastaǵy kúdiktiler kánilaryn moıyndady. Urlanǵan medaldardyń jartysy ıesine qaıtaryldy», dep málim etti oblystyq ІІD baspasóz qyzmeti.
Kóksý aýdanynyń polıtseıleri tergeýdi jalǵastyrýda. Kúdiktilerdiń sózinshe, eńbek ardagerine tıesili birneshe medaldi joǵaltyp alǵan. Tártip saqshylary joǵalǵan memlekettik nagradalardy izdestirý jumystaryn jalǵastyrýda.
