Almaty oblysynda elimizdegi tuńǵysh túzeý mekemelerinen oralǵan kámelettik jasqa tolmaǵandardy ońaltý ortalyǵy ashylmaq

Bul týraly búgin QR Úkimeti janyndaǵy kámeletke tolmaǵandar isi jáne olardyń quqyqtaryn qorǵaý jónindegi vedomstvoaralyq komıssııanyń kezekten tys 7-shi otyrysy barysynda Almaty oblysy ákiminiń orynbasary Serik Muqanov málim etti.

«Qazirgi ýaqytta Almaty oblysynyń ákimdigi «Úmit úıi» qoǵamdyq birlestigimen qosylyp, túzeý mekemelerinen oralǵan kámelettik jasqa tolmaǵan jasóspirimder úshin Qapshaǵaı men Talǵar qalalarynyń aýmaǵynda ońaltý ortalyqtaryn ashýdy kózdep otyr», dep atap ótken oblys ákiminiń orynbasary, bundaı ortalyqtardyń elimizge asa qajet ekendigin basa aıtty. Osyǵan oraı ol bul bastamany Ádilet, Іshki ister mınıstrlikteri sııaqty organdardyń qoldaýy qajet ekendigin atap ótti.

Onyń aıtýynsha, qazirgi tańda atalǵan ortalyqtardy salý úshin Qapshaǵaıda 12, al Talǵar qalasynda 6 gektar jer de bólingen. «Eki-úsh aıdan keıin biz 20-30 adamdy qabyldaýǵa múmkindik alamyz. Jalpy odan keıin bizdiń is-sharalar josparymyz iske asyý barysynda 250-300 balaǵa jaǵdaı jasalady», degen S.Muqanov bul ortalyqtarda qyzdar men uldar jeke-jeke qabyldanatynyn aıtty.