Almaty oblysynda elimizdegi eń iri kún elektr stansasy salynýda
TALDYQORǴAN. QazAqparat - Almaty oblysynyń Qapshaǵaı qalasy mańynda qýaty 150 MVt-tyq Qazaqstandaǵy eń iri kún elektr stansasynyń qurylysy júrip jatyr. Mamandardyń aıtýynsha, jobanyń 1-shi kezeńi 2019 jyldyń I-toqsanynda, al 2-kezeńi III-toqsanynda aıaqtalyp, iske qosylady, dep habarlaıdy QazAqparat tilshisi.
Almaty oblysy ákiminiń baspasóz qyzmetiniń málimetinshe, ornatylyp jatqan qural-jabdyqtardyń basym bóligi Germanııada óndirilgen. Qurylysqa 500 adam jumyldyrylǵan. Nysan iske qosylǵanda 26 adam turaqty jumys ornymen qamtamasyz etiletin bolady.
Kún elektr stansasyn Qapshaǵaı qalasynyń mańynda, naqtylap aıtqanda Sheńgeldi selolyq okrýginiń aýmaǵynda ornalastyrýdyń negizgi sebebi - dál osy jerde jyl boıy ashyq, sáýleli aýa-raıy saqtalǵan.
Óńir basshysy Amandyq Batalov osyndaı kúshti kún elektr stansasynyń salynýy - oblys úshin mańyzy zor joba ekendigin, bul birinshiden «jasyl» energetıkany damytsa, ekinshiden óńirdiń elektr qýatyna degen qajettiligin azaıtýǵa óz yqpalyn tıgizetindigin jetkizdi.
