Almaty oblysynda elik atqandar ustaldy
TALDYQORǴAN. QazAqparat - Almaty oblysy aýmaǵynda zańsyz ań aýlaǵan azamattar ustaldy. Olardan eki myltyq jáne eliktiń eti tabyldy, dep habarlaıdy Qazaqparat tilshisi.
Eki qarýly er azamat erekshe qorǵalatyn aýmaqta jabaıy ańdardy zańsyz atý kezinde qolǵa túsken. Eńbekshiqazaq aýdandyq ІІB qyzmetkerleri olardan 308-shi kalıbrli «ChZ-550» karabınin, 12-shi kalıbrli MR-153 uńǵyly myltyǵyn tárkiledi. Ustalǵandar Eńbekshiqazaq aýdanynda turady. Qazirgi tańda QR QK 337 baby, 3-shi bóligine sáıkes zańsyz ań aýlaý faktisi boıynsha sot aldy tergeý bastaldy. Eliktiń eti bıologııalyq saraptamaǵa jóneltildi.
Polıtsııanyń habarlaýynsha, kúdiktiler 2 myń AEK kóleminde aıyppul tólep, qoǵamdyq jumystarǵa tartylýy múmkin. Sondaı-aq, 2 jylǵa bas bostandyǵynan aıyrý nemese osyndaı merzimge bostandyǵyn shekteý jazasy qoldanylady.
