Almaty oblysynda elik atqan brakoner ustaldy
TALDYQORǴAN. QazAqparat - Almaty oblysynyń tabıǵat qorǵaý polıtsııasy elik atqan brakonerdi qolǵa túsirdi, dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, Jetisý óńiriniń aýmaǵanda júrgizilip jatqan «Brakoner» jedel aldyn alý is-sharasy barysynda tártip saqshylary ózge de tabıǵat qorǵaý organdarymen birlese otyryp Sarqan aýdanynyń aýmaǵynda 38 jastaǵy jergilikti turǵyndy ustaǵan. Tekserý barysynda onyń zańsyz ań aýlaǵany anyqtaldy.
«Arnaıy reıd kezinde «Sarqan» ańshylyq sharýashylyǵy aýmaǵynda «Nıva» markaly kólik toqtatylyp, kólikten jańa atylǵan eliktiń denesi tabyldy. Sondaı-aq, zańsyz ańshylyqty kásip etken brakonerlerden eki ańshy myltyǵy tárkilendi. Atalǵan derek boıynsha QR Qylmystyq kodeksiniń 337-babyna sáıkes sotqa deıingi tergeý amaldary júrgizilýde»,- dedi Almaty oblysy PD Tabıǵat qorǵaý polıtsııasynyń ınspektory polıtsııa kapıtany Baǵlan Rymjanov.
Polıtseıler taratqan aqparatqa sáıkes, brakonerler mingen kólik tergeý aıaqtalǵanǵa deıin arnaıy turaqqa toǵytylǵan. Tabıǵı baılyqty qorǵaýǵa jáne janýarlar men ósimdikter dúnıesine qol suǵýshylyqtyń aldyn alýǵa baǵyttalǵan «Brakoner» is-sharasy 30 qyrkúıekke deıin jalǵasady.
