Almaty oblysynda elektr dabyldardy tekserý júrgiziledi
TALDYQORǴAN. QazAqparat - Almaty oblysynda elektr dabyldardy tekserý júrgiziledi. Osyǵan oraı oblystyq Tótenshe jaǵdaılar departamenti turǵyndardy úreılenbeýge shaqyrýda, dep habarlaıdy QazAqparat tilshisi.
«Tótenshe jaǵdaılar departamenti 20 naýryzda saǵat 12.00 oblystyq qulaqtandyrý júıesiniń tehnıkalyq tekserisin júrgizý maqsatynda elektrdabyldar 30 sekýndqa qosylatynyn habarlaıdy. Osyǵan oraı, sabyr saqtaýdy jáne túsinýshilikpen qaraýdy suraımyz», - delingen vedomstvodaǵy baspasóz qyzmeti taratqan habarlamada.
Sonymen qatar, tótenshe jaǵdaılar týyndaǵan kezde elektr dabyldardyń qosylý kezindegi erejelerine saı áreket etýdi eske salady.
«Eger dabyl kezinde úıde bolsańyz radıo jáne teledıdar qabyldaǵyshtaryn qosyp, shuǵyl habardy tyńdap, berilgen habarlamaǵa sáıkes áreket etý qajet. Eger dabyl kezinde dalada bolsańyz, shuǵyl habarlamany tyńdap, berilgen habarlamaǵa sáıkes áreket etińiz»,- delingen habarlamada.
