Almaty oblysynda Elbasynyń balalyq shaǵy jaıynda fılm túsirilýde
ALMATY. Qańtardyń 27-si. QazAqparat /Ernar Beken/ - Almaty oblysynda Elbasy Nursultan Nazarbaevtyń balalyq shaǵy týraly «Balalyq shaǵymnyń aspany» dep atalatyn kórkem fılm túsirilýde,
dep habarlaıdy QazAqparat.
Prezıdenttiń balalyq kezindegi beınesin shymkenttik jas akter Nurdáýlet Іles somdaıdy. Bul Nurdáýlettiń kıno ónerindegi alǵashqy róli emes. Buǵan deıin ol Ońtústik Qazaqstan oblysynda frantsýz akteri Jerer Depardeniń qatysýymen túsirilgen kórkem fılmde basty rólderdiń birinde oınaǵan.
Fılmniń stsenarıin Shahımarden Qusaıynov pen Rústem Ábdirashov jazǵan. Kartınanyń tusaýkeserin Memleket basshysynyń 70 jyldyq mereıtoıyna oraı ótkizý josparlanǵan.
