Almaty oblysynda ekologııalyq ahýal talqylandy
ASTANA. QazAqparat - Taldyqorǵandaǵy Til Saraıynda oblystyń ekologııalyq jaǵdaıyn talqylaǵan jıyn ótti, dep habarlaıdy oblys ákimdiginiń baspasóz qyzmeti.
Jıynǵa Almaty oblystyq tutynýshylardyń quqyǵyn qorǵaý departamentinen, oblystyq energetıka jáne turǵyn úı kommýnaldyq sharýashylyq basqarmasynan, oblystyń mamandandyrylǵan tabıǵat qorǵaý prokýrory, aýdan, qala ákimderiniń orynbasarlary men aýdan, qalalyq turǵyn úı kommýnaldyq sharýashylyq bólimderiniń basshylary qatysty.
Almaty oblysy boıynsha ekologııa departamentiniń basshysy Qonysbek Baıedilov óz baıandamasynda ótken jyldyń qazan aıynda berilgen oblystyń basshysynyń hattamalyq sheshimi tapsyrmalarynyń oryndalý barysyna toqtaldy. Atqarylǵan jumystarmen qatar kemshilikter de tilge tıek etildi. Jıyn qorytyndysynda oblys ekologııasynyń problemalaryn sheshýdiń 2016-2020 jyldarǵa arnalǵan is-shara josparynyń oryndalýyn qatań baqylaýǵa alý, salynǵan polıgondardy bir qalypqa keltirý, turmystyq qatty qaldyqtardy suryptaıtyn, qaıta óńdeıtin zaýyttar men jeliler salýǵa jer telimderin bólip berý múmkindigin qarastyrý jáne basqa da birqatar mindetter aıqyndaldy.
