Almaty oblysynda eki zorlaý deregine qatysy bar kúdikti ustaldy

QONAEV. QazAqparat - Almaty oblysynda eki zorlaý deregine qatysy bar kúdikti ustaldy, dep habarlaıdy QazAqparat Іshki ister mınıstrliginiń Telegram paraqshasyna silteme jasap.

Qonaev polıtsııasyna eki jergilikti turǵynnan aryz kelip tústi. Áıelder olarǵa beıtanys er adamnyń shabýyldaǵanyn habarlaǵan.

Birinshi jaǵdaıda kúdikti 40 jastaǵy áıeldi úı tazalaýǵa kómekke shaqyrǵan. Keıin oǵan shabýyl jasap, ony erkinen tys jynystyq qatynasqa májbúrlegen.

Ekinshi epızodta 41 jastaǵy áıel er adamnyń qurbanyna aınala jazdaǵan.

Eki jábirlenýshi de shabýyl kezinde kúdiktiniń esirtkige mas bolǵanyn aıtty.

Polıtsııa qyzmetkerleri kúdiktini ustady. Atalǵan faktiler QR QK-niń 120-baby boıynsha tirkeldi.

Kúdikti qamaýǵa alyndy.