Almaty oblysynda eki jylda 56 basshy qylmystyq jaýapkershilikke tartyldy

None
None
NUR-SULTAN. QazAqparat – «Nur Otan» partııasynyń Sybaılas jemqorlyqqa qarsy is-qımyl jónindegi respýblıkalyq qoǵamdyq keńesiniń jumys tobynyń otyrysy ótti. Otyrysta Aqmola jáne Almaty oblystaryndaǵy jemqorlyqpen kúres jumystary zerdelendi, dep habarlaıdy QazAqparat tilshisi.

Otyrys barysynda keńes tóraǵasy, «Nur Otan» partııasynan Májilis depýtaty Omarhan Óksikbaev Memleket basshysynyń Joldaýda aıtqan tapsyrmasyna sáıkes Sybaılas jemqorlyqqa qarsy is-qımyl jónindegi respýblıkalyq qoǵamdyq keńestiń (SJQІRK) jumysy kúsheıtiletinin atap ótti. Bul rette sybaılas jemqorlyq faktorlaryn anyqtaý úshin normatıvtik aktilerge jáne memlekettik organdar men kvazımemlekettik sektorlardaǵy jumys protsesterine sybaılas jemqorlyqqa qarsy taldaý jasaýǵa basymdyq berilmek.

«Koronavırýs ınfektsııasy jaǵdaıynda memlekettik organdarǵa azamattardyń ekonomıkalyq jáne áleýmettik máselelerin sheshý boıynsha úlken jaýapkershilik júktelip otyr. Alaıda, osyndaı kúrdeli kezeńge qaramastan, keıbir memlekettik qyzmetkerler qyzmet babyn jeke múddesi úshin paıdalanǵan», - dedi Omarhan Óksikbaev.

Partııalyqtardyń pikirinshe, negizgi sebep – oblys basshylyǵynyń sybaılas jemqorlyq quqyq buzýshylyqtardyń aldyn-alý boıynsha jetkilikti jumys atqarmaýy. Sondaı-aq, sybaılas jemqorlyq táýekelderin taldaýǵa qatysty da suraqtar bar.

Keńes múshesi, «Nur Otan» partııasynan Májilis depýtaty Ábdimanap Bekturǵanov Aqmola oblysyndaǵy óreskel kadrlyq jónsizdikterge basa nazar aýdardy.

«Dene shynyqtyrý jáne sport basqarmasynda, sondaı-aq «Qazavtojol» AQ fılıalynda zań buzý jáne basshylyq laýazymdardy atqarý quqyǵy joq basshylardy qyzmetke qabyldaý faktileri anyqtaldy. Sońǵy qabyldanǵandary qyzmetinen bosatyldy, biraq buǵan qalaı jol berildi degen suraq týyndap tur»,- dedi Ábdimanap Bekturǵanov.

Al, Kókshetaý qalasynda ákimdik turǵyn aýdandardyń birine tıesili úıdiń aýmaǵyna saýda ortalyǵyn salýǵa ruqsat bergen. Jergilikti turǵyndar túrli oryndarǵa shaǵym túsirgenmen, nátıjesi bolmaǵan. Nurotandyq jumys toby kelgennen keıin ǵana qurylys toqtatylǵan.

«Ákimdikke osy jer ýchaskesin bólý týraly sheshimniń kúshin joıýdy jáne qurylys salýshyǵa balamaly ýchaskeni usyný múmkindigin qarastyrý usynyldy. Mundaı máselelerdi partııanyń ortalyq apparaty ókilderiniń kelýin kútpeı-aq, jergilikti jerlerde jedel sheshýge bolatyn edi», - dep sanaıdy Ábdimanap Bekturǵanov.

Jalpy, 2,5 jyl ishinde Aqmola oblysynda 376 sybaılas jemqorlyq qylmys tirkelgen, olardyń basym bóligin jergilikti atqarýshy organdardyń qyzmetkerleri jasaǵan.

Almaty oblysynyń sybaılas jemqorlyqqa qarsy kúres jumysyna qatysty da shaǵymdar kóp. Bul rette Keńes múshesi, Senat depýtaty Mansurhan Mahambetov Eńbekshiqazaq aýdanyndaǵy bıýdjet qarajatyna salǵyrt qaraýshylyqqa ashýlandy.

«Aýdan ákimdigi Qyrbaltabaı aýylynda ınjenerlik-kommýnıkatsııalyq jelilerdiń qurylysyna 485 mln teńgeni ıgergen. Alaıda, ákimdik jeke turǵyn úı qurylysy úshin tıisti ýchaskeni tańdaýdy durys júrgizbegendikten, bir jarym jyl ishinde qarastyrylǵan 300 ýchaskeniń eshqaısysy berilmegen. Jelilerdi paıdalanbaý olardyń kúıreýine soqtyrady, al joǵary voltty kabelder urlanǵan. Osylaısha, keleshegi joq joba qarjylandyrylyp, salyq tóleýshilerdiń aqshasy jelge ushqan», - dedi Mansurhan Mahambetov.

Jalpy, Almaty oblysynda 2018 jyldan bastap 317 sybaılas jemqorlyq qylmysy tirkelip, ár túrli deńgeıdegi 56 basshy qylmystyq jaýapkershilikke tartylǵan.

Sybaılas jemqorlyqqa qarsy is-qımyl jónindegi respýblıkalyq qoǵamdyq keńestiń otyrysyn qorytyndylaı kele, Omarhan Óksikbaev Aqmola jáne Almaty oblystarynyń birqatar sheneýnikterin sybaılas jemqorlyqqa qarsy jumysty durys atqarmaǵany jáne qoǵamda ondaı keleńsizdikke tózbeýshilikti qalyptastyrmaǵany úshin partııalyq jaýapkershilikke tartýdy tapsyrdy.

Atap aıtqanda, Keńes Aqmola oblysy ákiminiń orynbasary Ǵalymjan Ábdihalyqovty, memlekettik satyp alý jáne kommýnaldyq menshik basqarmasynyń basshysy Murat Rahymbergenovti, memlekettik sáýlet-qurylys baqylaý basqarmasy basshysynyń mindetin atqarýshy Baýyrjan Ernazarovty partııalyq jaýapkershilikke tartýdy qarastyrýdy usyndy.

Sonymen qatar Almaty oblysy jer qatynastary basqarmasynyń basshysy Sábıt Sádýaqasov pen oblystyq jer qatynastary basqarmasynyń basshysy Ermek Ámirǵalıevti jaýapqa tartý usynyldy.



Сейчас читают
telegram