Almaty oblysynda eki jol-kólik oqıǵasynda tórt adam qaza bolyp, ekeýi aýrýhanaǵa jetkizildi
TALDYQORǴAN. 21 naýryz. QazAparat - Almaty oblysynda eki iri jol-kólik oqıǵasy tirkeldi, onyń saldarynan tórt adam qazaǵa ushyrady.
Taǵy ekeýi ártúrli dene jaraqattarymen aýrýhanaǵa jetkizildi.
Oblystyń ІІD-iniń baspasóz qyzmetiniń habarlaýynsha, Raıymbek aýdanynda «Kegen-Narynqol» taýly kúrejolynda «Jıgýlı» avtomashınasy Mıtsýbısı Galant» avtomoashınasymen soǵylysqan. Jol-kólik oqıǵasynyń saldarynan «Jıgýlıdiń» eki jolaýshysy oqıǵa ornynda kóz jumdy, Sheteldik markaly avtomashınanyń eki jolaýshysy Kegen aýylynyń aýrýhanasyna jetkizildi.
Osyndaı oqıǵa «Almaty-Astana» kúrejolynda da tirkeldi, 163-shaqyrymda Isýzý-Aska avtomashınasynyń júrgizýshisi kóktaıǵaq saldarynan qarjy betke shyǵyp ketip, «Daf-Trateýr» avtomashınasymen soqtyǵysty. Isýzý-Aska júrgizýshisi men jolaýshysy JKO ornynda qaza boldy.
Qazirgi kezde eki oqıǵa boıynsha Almaty oblysy ІІD-niń tergeý qyzmetkerleri jáne jol polıtsııasy aldyn ala tekserý júrgizýde. Jol-kólik oqıǵasynda qaza bolǵan Isýzý-Aska avtomashınasynyń júrgizýshisi kim ekeni ázirshe anyqtalǵan joq.
