Almaty oblysynda eki jaıaý júrginshi kólik astyna túsip, opat boldy - TJM
ASTANA. Jeltoqsannyń 20-sy. QazAqparat - Tótenshe jaǵdaılar mınıstrliginiń málimetteri boıynsha, ótken táýlikte Almaty oblysynda kólik dońǵalaqtarynyń astyna túsip, eki jaıaý júrginshi opat boldy.
Atap aıtqanda, senbi kúni Almaty oblysy Talǵar aýdanynyń Nura aýylynda «Sýbarý» kóligi 73 jastaǵy keıýanany qaǵyp ketti. Tótenshe jaǵdaılar vedomstvosynyń aqparaty boıynsha, qarııa aýrýhanada kóz jumdy.
Sondaı-aq, keshe Almaty-Talǵar tas jolynyń 9-shy shaqyrymynda «Folksvagen» kóliginiń júrgizýshisi 28 jasar boıjetkendi qaǵyp ketip, jaıaý júrginshi oqıǵa ornynda qaıtys boldy.
