Almaty oblysynda eki jasar balasymen birge joǵalyp ketken kelinshek tabyldy
TALDYQORǴAN. QazAqparat - Almaty oblysynda 28 jastaǵy kelinshek eki jastaǵy balasymen iz-túzsiz joǵalyp ketken. Polıtsııaǵa kelinshektiń anasy aryzdanǵan, dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, 3 naýryz kúni Qarasaı aýdandyq polıtsııa bólimshesine 48 jastaǵy Іrgeli aýylynyń turǵyny júgingen. Ol 28 jastaǵy qyzy eki jasar balasymen birge joǵalǵanyn jáne qyzynyń ishimdikke beıim ekenin jetkizgen. Ol jas balaǵa qaýip tónýi múmkin dep sanaǵan. Tártip saqshylary birden izdeýge kirisip 8 naýryz kúni joǵalǵan áıeldi balasymen tapty. Olar Іrgeli aýylyndaǵy anasyna jetkizildi.
«Habar-osharsyz ketken ishimdikke beıim áıel kishkentaı balasymen anasyna jetkizildi. Anyqtalǵandaı 28 jastaǵy áıeldiń anasy úıinde osy qyzynyń 10 jastaǵy balasyn baǵyp otyr. Іshimdikke beıim kelinshekke tıisti shara qoldaný úshin ákimshilik hattama toltyryldy», - delingen habarlamada.
Sondaı-aq vedomstvonyń aqparatyna sáıkes joǵalǵan ana men balany izdeýge Almaty qalasyndaǵy Jetisý aýdandyq bólimsheniń tártip saqshylary kómektesken.
