Almaty oblysynda eki jas bala ystan ýlanyp qaldy
TALDYQORǴAN.QazAqparat - Almaty oblysynyń Uıǵyr aýdanynda eki bala ystan ýlandy. Qazir naýqastar Shonjy aýylyndaǵy aýdandyq aýrýhanada em qabyldaýda, dep habarlaıdy QazAqparat tilshisi.
Oblystyq TJD mamandardyń aıtýynsha, balalar qatty otynmen jylytylatyn peshtiń aqaýynan ýlanǵan. Dálirek aıtqanda murjanyń bitelýi sebep bolǵan. Qazir 2011 jáne 2012 jyly týǵan balalardyń jaǵdaıy ortasha-turaqty. Olar dárigerlerdiń baqylaýynda.
«Adamdardyń ýlanýy jáne qaza bolýynyń negizgi sebepteri peshterdi ornatý jáne paıdalaný kezinde erejelerdi buzǵandyqtan jáne ýaqtyly tútindikterdi tazalamaǵandyqtan bolǵan. Peshke taza aýanyń jetkiliksiz bolýy úıdiń ishinde ýlaǵysh gazdyń taralýyna ákep soǵady. Sondyqtan peshtiń murjalaryn, qudyqtaryn ýaqtyly tazalap otyrýyn suraımyz», dep málim etti oblystyq TJD baspasóz qyzmeti.
Esterińizge sala keteıik, buǵan deıin Qapshaǵaı qalasyna qarasty Qosqudyq stantsııasynda turatyn bir otbasynyń 4 balasy ystan ýlanyp, aýrýhanaǵa túskenin habarlaǵan bolatynbyz.
