Almaty oblysynda eki teatr ashylady
TALDYQORǴAN. QazAqparat - Almaty oblysynyń Narynqol jáne Uıǵyr aýdandarynda halyqtyq teatr ashylady, - dep habarlaıdy QazAqparat tilshisi.
Almaty oblystyq Mádenıet, arhıvter jáne qujattama basqarmasynyń basshysy Márlen Kólbaevtyń sózinshe, Narynqoldaǵy ujymnyń ónerin qazan aıynyń sońynda tamashalaý josparlanǵan.
«Negizi josparǵa sáıkes Narynqoldaǵy halyqtyq teatrdyń ujymy ózderiniń ónerlerin aıdyń sońynda kórsetedi. Ol jer 15 shtat surap otyr. Sol sııaqty Uıǵyr aýdanyndaǵylar da osyndaı josparlaryn jetkizýde. Biraq jyl sońy bolǵandyqtan oǵan bıýdjet qarastyrylmaǵan. Biraq jyl basynda qarajatty halyqtyq teatrǵa qarastyramyz dep josparlap otyrmyz», - dedi Márlen Kólbaev.
Basqarma basshysynyń sózinshe, qazir Almaty oblysynda 6 halyqtyq teatr bar. Olardyń biri Panfılov, Kóksý, Aqsý aýdandarynda.
«Halyqtyq teatr ol jalpy eldi-mekendegi ónerli jandardyń birigip qurǵan toptary ǵoı. Biz árıne óz tarapymyzdan qoldaýǵa daıynbyz. 27-naýryz Halyqaralyq teatr kúnine oraı jylda halyqtyq teatr ujymdarynyń basyn qosyp, ónerlerin kópshilikke tartý etý josparymyzda. Bıyl pandemııaǵa baılanysty mundaı sharany ótkize almadyq», - dedi Basqarma basshysy.
