Almaty oblysynda eki sheteldiktiń denesi tabyldy

QONAEV. QazAqparat – Qaskeleńde jeke úılerdiń birinen pyshaq jaraqatyn alǵan eki er adamnyń denesi tabyldy, dep habarlaıdy QazAqpart tilshisi.

«26 maýsym kúni saǵat 00:50-de Qarasaı aýdandyq polıtsııa bólimine 1979 jyly týǵan azamat S.-dan Qaskeleń qalasyndaǵy jeke úılerdiń birinen pyshaq jaraqattarymen eki er adamnyń máıiti tabylǵany týraly habarlama tústi. Atalǵan derek QR Qylmystyq kodeksiniń 99-baby 2-bóligi 1-tarmaǵy boıynsha aýdandyq ishki ister basqarmasynda tirkeldi. Sot-medıtsınalyq saraptama taǵaıyndalyp, sotaldy tergeý bastaldy», – dep jazdy Almaty oblysynyń polıtsııa departamentiniń bastyǵy Baýyrjan Álenov óziniń Instagram-daǵy paraqshasynda.

Polıtseıler qaza tapqandardyń 1989 jáne 1996 jyly týǵan Tájikstan azamattary ekenin anyqtady. Qylmys jasady degen kúdikpen sol respýblıkanyń 1980 jyly týǵan azamaty ustaldy. Qazir ol ýaqytsha ustaý ızolıatoryna qamaldy. Tergeý múddesindegi basqa aqparat jarııa etilmeıdi.