Almaty oblysynda eki ret sottalǵan áıel súıiktisin atyp óltirdi
TALDYQORǴAN. QazAqparat – Almaty oblysynda eki ret isti bolǵan áıel adam óltirdi degen kúdikpen taǵy ustaldy. 46 jastaǵy azamatsha óziniń kóńildesin atyp óltirdi degen aıyppen tergelip jatyr, dep habarlaıdy QazAqparat tilshisi.
Polıtsııa qyzmetiniń málimetinshe, 5 qarashaǵa qaraǵan túni Qaratal aýdanyndaǵy sharýa qojalyqtardyń birinen 38 jastaǵy er adamnyń múrdesi tabyldy. Marqum Úshtóbe qalasynyń turǵyny ekeni anyqtaldy. Ol qojalyqta ártúrli jumys istegen. Adam ólimine baılanysty qylmystyq is qozǵaǵan tártip saqshylary kúdikti retinde áıel adamdy ustady.
«Qojalyqta áıel adamnyń jumys istegeni belgili boldy. Ol marqum bolǵan er adammen úsh jyldan beri birge turyp kelgen. Oqıǵa ornynan qashyp ketken azamatsha Úshtóbe qalasynda ustaldy. 1973 jylǵy kúdikti buǵan deıin de adam óltirip, esirtki saqtaǵany úshin sottalǵan. Qazir ol qamaýǵa alyndy», - dedi Qaratal aýdandyq polıtsııa bóliminiń basshysy Raýan Abdraımov.
Kúdiktiniń sózinshe, ol súıiktisimen janjaldasyp qalǵan. Sońynda esh jerde tirkelmegen ańshy myltyǵymen ony atyp tastaǵan.
Atalǵan faktige sáıkes QR QK-niń 99-baby (Adam óltirý) boıynsha sotaldy tergeý júrip jatyr.
