Almaty oblysynda eki orman sharýashylyǵyndaǵy órtti sóndirý jumystary júrgizilýde
ASTANA. 11 qyrkúıek. QazAqparat - Búgin kúndiz Almaty oblysyndaǵy Kegen orman mekemesiniń Temerlik ormanshylyǵynda 15 gektar alqapta orman órti oryn aldy, dep habarlady QR Aýyl sharýashylyǵy mınıstrliginiń baspasóz qyzmetinen.
Vedomstvonyń atap ótýinshe, órtti sóndirýge Kegen orman mekemesiniń qyzmetkerleri men tehnıkasy, sondaı-aq jergilikti turǵyndar tartylǵan. Qazirgi tańda órt sóndirýge 50 adam, 2 órt sóndirý mashınasy, 8 jeńil avtokólik pen «Qazavıaormansharqorǵaý» RMQK tikushaǵy jumyldyrylýda. Ottyń taralýyna jol bermeý sharalary qabyldanýda.
«11 qyrkúıekte saǵat 15.30-da Aqmola oblysynyń Keńes orman mekemesiniń Quzǵan ormanshylyǵynda orman órti oryn aldy, onyń taralý aýmaǵy shamamen 50 gektardy quraıdy», - delingen vedomstvo aqparatynda.
Órtti sóndirýge Keńes orman mekemesiniń qyzmetkerleri men tehnıkasy, Aqkól aýdanynyń órt sóndirý bólimshesi, sondaı-aq jergilikti adamdar jumyldyrylýda. Órtti sóndirýge 40 adam, 4 órt sóndirý mashınalary, 2 traktor jáne «Qazavıaormansharqorǵaý» RMQK tikushaǵy tartylǵan. Qazirgi tańda otty sóndirýge qosymsha kúsh pen qarajat jumyldyrý jóninde sharalar qabyldanýda.
