Almaty oblysynda eki oqýshyny dárethanada zorlamaq bolǵan kúdikti ustaldy

QONAEV. QazAqparat - Almaty oblysynda eki oqýshy qyzǵa qoǵamdyq dárethanada tap bergen kúdikti ustaldy. Ol Uıǵyr aýdanynyń 31 jastaǵy turǵyny bolyp shyqty, dep habarlaıdy QazAqparat tilshisi.

Almaty oblystyq polıtsııa departamenti baspasóz qyzmetiniń málimetinshe, oqıǵa Uıǵyr aýdanynyń ortalyǵy Shonjyda bolǵan.

9 shilde kúni Uıǵyr aýdanynyń polıtsııasyna kámeletke tolmaǵan eki oqýshynyń ata-anasynan aryz túsken.

Shaǵymdanýshylar 17 jastaǵy qyzdaryna qoǵamdyq dárethanada belgisiz er adamnyń tap berip, zorlamaq bolǵanyn jetkizgen.

Qyzdar óz kúshimen qashyp shyqqan.

«Jedel izdestirý kezinde kúdikti ustaldy. Ol 31 jastaǵy Uıǵyr aýdanynyń turǵyny bolyp shyqty. Tekserý barysynda onyń aqyl-esi kem ekeni, arnaıy psıhonevrologııalyq dıspanserde esepte turatyny anyqtaldy. Oǵan qatysty naqty sheshim arnaıy taǵaıyndalǵan psıhıatrııalyq saraptamadan keıin belgili bolady», - delingen oblystyq polıtsııa departamentiniń baspasóz qyzmeti taratqan habarlamada.

Eki shaǵym ıesiniń aryzyna sáıkes kúdiktiniń ústinen «zorlaýǵa oqtalý» baby boıynsha qylmystyq is qozǵalǵan.