Almaty oblysynda eki oqýshy menıngıtke shaldyqty
TALDYQORǴAN. QazAqparat - Almaty oblysynda menıngıtke shaldyqqan eki oqýshy Qarasaı aýdanyndaǵy juqpaly aýrýlar aýrýhanasynda em qabyldaýda, dep habarlaıdy QazAqparat tilshisi.
Oblystyq densaýlyq saqtaý basqarmasynan málim etkendeı, 7 jáne 10 jastaǵy naýqastar eki túrli aýdannyń turǵyndary.
«Oqýshynyń bireýi Іle aýdanynan, ekinshisi Qarasaı aýdanyndaǵy Abaı mektebinde bilim alady. Ekeýine menıngıt dıagnozy qoıyldy. Balalardyń jaǵdaıy jaqsy», - dedi Almaty oblystyq densaýlyq saqtaý basqarmasynyń baspasóz qyzmetiniń ókili Láılim Áýbákirova.
Sondaı-aq atalǵan vedomstvo ókili tolyqtyrǵandaı, balalarǵa qoıylǵan dıagnoz menıngokokktyq ınfektsııa emes - menıngıt. ıAǵnı menıngokokktyq ınfektsııa aýa arqyly tarasa, menıngıt derti sýyq tıgennen, ımmýnıtettiń tómendeýinen bolady.
