Almaty oblysynda eki oqýshy qyz joǵalyp ketti
ALMATY OBLYSY. QazAqparat –Eskeldi aýdanynyń eki oqýshysy Arý Bekberdi men Talshyn Qyzyrbaı bir táýlikten beri tabylmaı jatyr, dep habarlaıdy QazAqparat tilshisi.
Polıtsııa departamentiniń habarlaýynsha, 21 qańtar kúni, keshke Eskeldi aýdandyq polıtsııasyna Aldabergenov aýylynda turatyn 2006 jáne 2008 jyly týǵan eki balanyń mektepke ketip, oralmaǵany týraly ótinish túsirgen.
«Dabyl boıynsha aýdandyq polıtsııanyń barlyq jeke quramy izdeýge shyqty. Sondaı-aq, jergilikti turǵyndar, pedagogtar men eriktiler de izdestirýge jumyldyryldy. Kenttegi barlyq qaraýsyz qalǵan úıler, shatyrlar, jertóleler jáne jaqyn ornalasqan eldi mekender tekserilip jatyr. Іzdestirý jumystary sondaı-aq, Taldyqorǵan men Almaty qalalarynda da uıymdastyrylǵan, Olarǵa ıývenaldy polıtsııa ınspektorlary, aýdandyq jáne oblystyq polıtsııa izdestirý bólimderiniń jedel ýákilderi tartylǵan» - delingen taratylǵan habarlamada.
Joǵalǵan qyzdardyń fotosýretteri men belgileri barlyq polıtsııa bólimshelerine jiberilip, áleýmettik jelilerde ornalastyrylǵan.
