Almaty oblysynda eki oqýshy birigip úılerinen qashyp ketken
TALDYQORǴAN. QazAqparat - Almaty oblysynda birigip úılerinen qashqan ul men qyz tabyldy. 12 jastaǵy oqýshylardy eki kún boıy izdegen, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, 2006 jylǵy jasóspirimder Іle aýdanynda turady. Baıserke aýyly mańyndaǵy saıajaılardyń birinde turatyn olar 19 aqpan kúni úılerine oralmaǵan.
«Іzdeý jumystary Almaty qalasynda da júrgizildi. Muǵalimder men mektep ınspektorlary eki balany «Saıahat» aýdanynan tapty. Olar eki kún boıy osy jerde qańǵyp júrgen jáne sol mańda túnegen. Qazir oqýshylar ata-anasyna tapsyryldy. Aıta ketý kerek, eki oqýshy bir mektepte oqymaıdy», - dedi oblystyq ІІD baspasóz qyzmeti.
Anyqtalǵandaı, eki oqýshynyń úıden qashýy alǵashqy jaǵdaı emes eken. Osy jaıtqa baılanysty olardyń ata-anasy ákimshilik jaýapkershilikke tartylatyn bolady. Sondaı-aq, jaýapty mamandar barlyq qujattardy jınap, jasóspirimder isimen aınalysatyn ákimdiktegi komıssııaǵa tapsyrǵan. Endi jasóspirimderdiń ata-anasyn ata-analyq quqyǵynan aıyrý máselesin qarastyratyn bolady.
