Almaty oblysynda eki myń qoı batpaqqa batyp qaldy

QONAEV. QazAqparat – Almaty oblysynda batpaqqa batyp qalǵan eki myń qoıdyń 19-y óldi, dep habarlaıdy QazAqparat tilshisi.

Almaty oblysy TJD málimetinshe, Jambyl aýdany Aqterek aýyldyq okrýginde 17 naýryz, saǵat 23:00 shamasynda qoı aıdaý kezinde Shylbastaý stantsııasynyń mańynda eki myńǵa jýyq qoı batpaqqa batyp qalǵan. Bul týraly TJD-ǵa 18 naýryz, saǵat 8:20-da habarlama túsedi.

Túngi ýaqytta sharýa qojalyǵynyń qyzmetkerleri qoılardy balshyqtan shyǵara almaı, tańerteń qutqarýshylardan kómek surady. Almaty oblysy TJD men jergilikti atqarýshy organdar, «Azııa gaz qubyry» JShS, «Nurbol» ShQ statsıonarlyq kompressorlyq stantsııasynyń qyzmetkerleri men Baqterek, Bektas jáne Shylbastaý aýyldarynyń turǵyndary balshyqta qalǵan usaq maldy (qoılardy) qutqarý jumystaryn uıymdastyrdy. Nátıjesinde 1 981 qoı qutqarylyp, 19-y aman qalǵan joq», - dep habarlady TJD-dan.