Almaty oblysynda eki mektepke bomba qoıyldy

QONAEV. QazAqparat – Іle aýdanynyń ortalyǵy Ótegen batyr kentindegi eki mektepke bomba qoıylǵany týraly habarlama tústi. Qazirgi ýaqytta mektep aýmaǵy qorshalyp, balalar men muǵalimder tolyq evakýatsııalandy, dep habarlaıdy QazAqparat tilshisi Almaty oblysy Іle aýdany ákiminiń baspasóz qyzmetine silteme jasap.

Almaty oblysy Іle aýdany ákiminiń baspasóz qyzmeti áleýmettik jelide Ótegen batyr kentiniń eki mektebinde bomba qoılyǵany týraly aqparat jarııa etti.

Ákimdiktiń málimetinshe, 22 qyrkúıekte Іle aýdandyq polıtsııa basqarmasynyń kezekshi bólimine Ótegen batyr kentindegi № 7, № 13 mektepterine jarylǵysh zattyń qoıylǵany týraly habarlama túsedi. Oqıǵa ornyna dereý aýdannyń jedel qyzmetiniń kúshteri men quraldary jiberildi.

«Qazirgi ýaqytta mektep aýmaǵy qorshalyp, balalar men muǵalimder tolyq evakýatsııalandy. Іs-sharalar algorıtmge sáıkes júrgizilýde. Qosymsha aqparat is-sharalar aıaqtalǵan soń beriledi. Іle aýdany Ótegen batyr aýylynyń turǵyndary men qonaqtaryn sabyrlyq saqtap, úreılenbeýge shaqyramyz», - delinedi ákimdik habarlamasynda.