Almaty oblysynda eki «Kamazdyń» ortasynda qalǵan kólik júrgizýshiniń jaǵdaıy belgili boldy
TALDYQORǴAN.QazAqparat - Almaty oblysynda eki «Kamazdyń» ortasynda qalǵan kólik júrgizýshisiniń jaǵdaıy aýyr, - dep habarlaıdy QazAqparat tilshisi.
«1996 jylǵy azamat Qarasaı aýdandyq aýrýhanasyna jetkizildi. Jaǵdaıy aýyr, mıy shaıqalǵanǵ oń jaq ıyǵyna, arqasyna, bel omyrtqasyna zaqym kelgen»,- dedi Almaty oblystyq Densaýlyq saqtaý basqarmasynyń baspasóz qyzmetiniń ókili Láılim Áýbákirova.
Esterińizge sala keteıik, búgin saǵat 10:00 shamasynda jantúrshigerlik kólik apaty boldy. Qarasaı aýdanynyń Jibek joly-Eltaı-Boraldaı avtojolynda jeńil avtokólik eki KamAZ-dyń ortasynda qalǵan. Soqqynyń saldarynan «Mazda-626» kóliginiń saý-tamtyǵy qalmady.
