Almaty oblysynda eki aýyldy sý basty
TALDYQORǴAN. QazAqparat - Almaty oblysynyń Panfılov aýdanyndaǵy Kóktal jəne Əýlıeaǵash aýyldaryn sý basty, dep habarlaıdy QazAqparat tilshisi.
Almaty oblystyq TJD resmı málimeti boıynsha, Kóktal aýylynda 11 úıdi, 46 aýlany, al Áılıeaǵashta 7 aýlany jáne 1 úıdi sý basqan.
Panfılov aýdanynyń əkimi Berdəýlet Eshenulynyń aıtýynsha, qyzyl sý qatty jaýǵan nóserdiń saldarynan jaıylǵan. Taýly aımaqtan aqqan jaýyn sýy aýlalarǵa kirgen.
«Buǵan deıin mundaı jaýyndy kórmedik. Burshaqtyń ózi 30 mınýttaı jaýdy. Aýyl aqsaqaldary ómiri bolmaǵan jaǵdaı dep otyr. Eki aýyl taýdyń eteginde ornalasqan. Qazir sý basqan aımaqtardy tazalaý, qalpyna keltirý jumystary júrip jatyr. Halyq aqyryndap úılerine oralýda», - dedi aýdan əkimi.
Qazir sý basqan aımaqtardy tazalaý jumystary jalǵasýda. Jaýyn 25 mamyr kúni jaýǵan. TJD málimetinshe, úıler men qorajaılardyń qıraýy tirkelmegen.
