Almaty oblysynda eki adamdy óltirip, 4 jyldan beri qashyp júrgen Ózbekstan azamaty ustaldy
TALDYQORǴAN. QazAqparat - Almaty oblysynda adam óltirdi degen kúdikpen Ózbekstan azamaty ustaldy, dep habarlaıdy QazAqparat tilshisi.
Almaty oblysy polıtsııa departamenti krımınaldyq polıtsııa basqarmasynyń qyzmetkerleri Aqtóbe oblysy Yrǵyz aýdandaǵy áriptesterimen birlesip, halyqaralyq izdeýde júrgen Ózbekstan Respýblıkasynyń 35 jastaǵy azamatyn ustady. Ol 2016 jyldyń tamyz aıynda Almaty oblysynyń ortalyǵynda eki kisini óltirdi dep aıyptalǵan.
Taldyqorǵan qalalyq soty 2016 jyldyń 11 qazanynda QR QK 99-babynyń 2-bóligine sáıkes qozǵalǵan qylmystyq is boıynsha kúzetpen ustaý túrindegi qaýlyny sanktsııalaǵan.
Qaýipti qylmyskerdi izdeý úsh jyldan astam ýaqyt boıy júrgizilgen. Sebebi izdeý salynǵan azamat turǵylyqty jeri men jumys ornyn birneshe ret aýystǵan. Saldarynan kúdiktiniń turǵan jerin anyqtaý múmkin bolmaǵan jáne ol esepke turýdan jaltarǵan.
Eki oblystyń jedel ýákilderiniń birlesken eńbeginiń nátıjesinde aýyr qylmysqa kúdikti shetel azamaty sot aldynda jaýapqa tartylady.
