Almaty oblysynda dırektorǵa sógis berilip, eki kolledj oqytýshysy jumystan bosatyldy
TALDYQORǴAN. QazAqparat - Almaty oblysynyń Jarkent qalasyndaǵy Kópsalaly kolledjde pedagogtiń eki stýdentti urǵany úshin atalǵan bilim berý mekemesiniń dırektory sógis alyp, oqýshyǵa qol jumsaǵan dene shynyqtyrý pániniń oqytýshysy jumystan shettetildi, dep habarlaıdy QazAqparat tilshisi.
Oblystaǵy «Progress» kolledjinde de osyǵan uqsas jaǵdaı oryn alǵan. Bilim mekemesinde alǵashqy áskerı daıyndyq pániniń oqytýshysy 2002 jylǵy stýdentti balaǵattap jatqan sáti vıdeoǵa túsip, áleýmettik jelige taraldy.
Qazir atalmysh kolledjdiń alǵashqy áskerı daıyndyq pániniń oqytýshysy jumystan bosatyldy.
Esterińizge sala keteıik, 10 qańtar kúni Jarkenttegi kópsalaly kolledj oqytýshysy stýdentke qol jumsaǵan vıdeosy áleýmettik jelige taralǵan bolatyn. Qazir osy oqıǵaǵa baılanysty arnaıy tekserý júrgizilip jatyr. Al stýdentti uryp-soqqan oqytýshynyń ústinen QR QK-niń 140-baby boıynsha qylmystyq is qozǵaldy.
Aıta keterligi, dırektor men pedagogtarǵa qoldanylǵan jazalardy oblys ákiminiń baspasóz qyzmeti rastady.
