Almaty oblysynda densaýlyq saqtaý salasynyń bıýdjeti 80 mlrd teńgeden asty
Oblystyń medıtsınalyq mekemeleriniń materıaldyq-tehnıkalyq bazasyn nyǵaıtýǵa 2,5 mlrd teńge bólindi.
123 birlik medıtsınalyq qural-jabdyqtar men 35 birlik sanıtarlyq avtokólik satyp alyndy. Nátıjesinde oblystyń medıtsınalyq mekemeleri sanıtarlyq avtokólikpen ortasha eseppen 87,3% qamtamasyz etildi. Medıtsınalyq qural-jabdyqtarmen jáne medıtsınalyq baǵyttaǵy buıymdarmen jaraqtandyrylý deńgeıi 81 %-dy quraıdy.
Nátıjesinde, oblys halqynyń ortasha ómir súrý uzaqtyǵy 72 jasqa jýyqtady. 2015 jylmen salystyrǵanda ana ólimi 25,5%-ǵa, nárestelerdiń shetineýi - 4,2-ge, qan aınalymy júıesiniń aýrýlarynan qaıtys bolý - 20,6-ǵa, qaterli isikterden adam ólimi 5,7%-ǵa tómendedi.
Oblysta 826 densaýlyq saqtaý mekemeleri bar. Onyń ishinde 663-i - memlekettik, 163-i - jekemenshik. Memlekettik uıymdarda 4 867 dáriger men 13 765 medbıke jumys isteıdi. Byltyr Taldyqorǵan qalasynda 300 oryndy qalalyq kópsalaly aýrýhana jáne Alakól aýdanynyń Aqshı aýylynda dárigerlik ambýlatorııa salyndy. 14 nysanǵa kúrdeli jóndeý júrgizildi.