Almaty oblysynda demalys bazasynda órt shyqty
ALMATY OBLYSY. QazAqparat - Almaty oblysynda ornalasqan demalys bazasynan órti shyqty, dep habarlaıdy QazAqparat.
Qyzyl jalynnyń vıdeosy áleýmettik jelide tarady. Demalyp jatqandar tilsiz jaýdy vıdeoǵa túsirip, jelige jarııalaǵan.
Almaty oblysy tótenshe jaǵdaılar departamenti baspasóz qyzmetiniń málimetinshe, 4 shilde kúndizgi 12:39 kezinde shuǵyl habar túsken. Onda Talǵar aýdany Panfılov aýyldyq okrýginde ornalasqan Park Resort «Segiz kól» demalys aımaǵynda ǵımarattyń shatyry tútindep jatqany aıtylǵan.
«Oqıǵa ornyna tez arada Almaty oblysy TJD kúsh-quraldarya jóneltildi. Jeke quramnan 13 adam men 3 tehnıka otty sóndirýge jumyldyryldy. Keıin anyqtalǵandaı, elektr jelileriniń qysqa tuıyqtalýy saldarynan órt shyqqan. Aýmaǵy 100 sharshy metrge jetetin shatyr órtengen. Tilsiz jaýń órt sóndirýshiler kelip jetkenge deıin aýyzdyqtalǵan» dep málim etti vedomstvodan.
Órtten zardap shekken eshkim joq.
