Almaty oblysynda daýly vıdeodan soń prokýror jumysynan bosatyldy

TALDYQORǴAN.QazAqparat - Almaty oblysyndaǵy Panfılov aýdanynyń prokýrory Saıan Shalǵymbaev jumysynan shyǵaryldy, dep habarlaıdy QazAqparat tilshisi.

«Iá, aqparatty rastaımyz. Ol kisi jumysynan bosatyldy», - dedi QR Bas prokýratýrasynyń baspasóz qyzmetinen.

Esterińizge sala keteıik, osydan týra 16 kún buryn prokýror men sot tóraǵasynyń kásipkermen birigip saýnada demalyp júrgen vıdeosy áleýmettik jelige taraǵan bolatyn. Beınejazbada vıdeony túsirip turǵan avtor óziniń sot tóraǵasymen saýnada demalyp jatqanyn baıandaıdy. Jáne ol belgisiz «OPG»-ń ókilderine iship-jep, demalyp jatyrmyz dep saýnanyń ishinde vıdeo túsiredi. Artynsha kásipker «OPG» degen sózine túsinikteme berdi. Onyń «OPG» degen sózi el oılaǵandaı «uıymdasqan qylmystyq top emes», «operatıvnaıa pıvnaıa grýppa, ıaǵnı jedel syra toby» degen maǵyna beredi eken.

Bul beınejazba jeli qoldanýshylarynyń narazylyǵyn týdyrdy. Artynsha Bas prokýratýra da, Joǵarǵy sot ta qyzmettik tekseris bastalǵanyn jarııalady. Artynsha Joǵarǵy sot beınejazbadaǵy Kerbulaq aýdandyq sotynyń tóraǵasy Dinmuhamed Seıtovtyń qyzmettik tekseriske baılanysty ókilettiligi toqtaǵanyn habarlady.