Almaty oblysynda dástúrli Bartoǵaı marafony ótti
ALMATY. 5 qyrkúıek. QazAqparat /Erbol Azanbek/ - Almaty oblysynyń aýmaǵynda almatylyq maýntınbaıkerler arasynda Bartoǵaı-Asy-Batan marafony ótti, dep habarlaıdy «Velo-Almaty» bastamashy tobynyń ókili, marafonnyń uıymdastyrýshysy Tımýr Djýrkashev.
Bıyl 7-shi ret ótkizilgen velojarysta Edýard Lorents jeńimpaz boldy. Taý joly men ózen, asýlar arqyly ótetin 72 shaqyrymdy ol 4 saǵat 36 mınýtta basyp ótti. Bul atalǵan marafon úshin rekordtyq kórsetkish. 20 jasar Edýarttyń jeńisti jolyn Alekseı Kozyrev pen Pavel Krasovıtskıı jalǵastyrdy. Olar tıisinshe ekinshi, úshinshi oryndy ıelendi.
Bir qyzyǵy saıysqa otbasylyq komandalar da qatysqan. Olardyń qatarynda 40 jasar Evgenıı Kazantsevtiń otbasy boldy. Onyń uly Kırıll men áıeli Marına da Bartoǵaı marafonynyń qatysýshylary qatarynan tabylǵan.
