Almaty oblysynda dárigerler tapshy
TALDYQORǴAN. QazAqparat - Almaty oblysynyń medıtsına salasynda kadr jetispeýshiligi áli de ózekti kúıinde qalyp otyr.
Búgin bul jóninde Óńirlik kommýnıkatsııa ortalyǵynda ótken brıfıng barysynda oblystyq Densaýlyq saqtaý basqarmasynyń basshysy Ashan Baıdývalıev málim etti, dep habarlaıdy QazAqparat tilshisi.
Qazirgi tańda oblysta 4500-den astam dáriger jumys isteıdi. Al orta býyndaǵy mamandardyń sany 16 myńǵa jýyqtaǵan. Dárigerler tapshylyǵy 170-ten astam mamandy quraıdy. Máselen, óńir boıynsha gepatolog, gematolog, nefrolog, allergolog syndy mamandar asa qajet.
Ashan Baıdývalıevtiń sózinshe, qazirgi tańda kadr máselesin sheshý jolynda jumystar atqarylýda. Atap aıtsaq, medıtsına mamandaryn daıarlap jatqan JOO-men arnaıy kelisimshart jasalǵan. Ondaǵy maqsat - bolashaq dárigerlerdi Almaty oblysyna tartyp, mamandar tapshylyǵyn joıý.
