Almaty oblysynda dárigerler 7 jastaǵy qyzdyń ólimine qatysty túsinik berdi
ALMATY OBLYSY. QazAqparat – Almaty óńirlik balalar klınıkalyq aýrýhanasynyń basshylyǵy 7 jastaǵy Vasılına Brajnıkovanyń ólimine qatysty túsinik berdi, dep habarlaıdy QazAqparat tilshisi.
Іle aýdanynyń Boraldaı aýylynyń turǵyny Vasılına Brajnıkova 18 qazanda aýrýhanada kóz jumǵan.
Qyzdyń qazasyna baılanysty aýrýhana ókilderi túsinik berdi.
«15 qazanda Vasılına Brajnıkovanyń jaqyndary dəriger shaqyrtqan. Jedel jərdem brıgadasy qyzdyń úıine baryp, teksergen. Oǵan asqazan ishek joldarynda qan ketýi dıagnozy qoıyldy. Dərigerler barǵanda anasy úıde bolmaǵan. Mamandar ony telefon arqyly shaqyrtty. Anasynyń aıtýynsha, bala 5 kúnen beri aýyryp júrgen. Úıde ambýlatorııalyq em qabyldaǵan. Tserýkal, regıdron iship júrgen. Balanyń jaǵdaıy aýyr boldy. Qoshqyl tústi qusyq qusqan. Təbeti bolmaǵan. Terisi bozaryp, əlsirep ketken. Balanyń ishi aýyrǵan»,- dedi aýrýhana ókilderi.
Feldsherler qyzdy birden Boraldaıdaǵy aýrýhanaǵa əkelip, odan oblystyq aýrýhanaǵa aýystyrǵan.
«Qyzdyń anasy aýrýhanaǵa jatýdan bas tartty. Onyń bas tartqanyna qaramastan, qyzdy oblystyq aýrýhanaǵa apardyq. Balany tolyq tekserýden ótkizdik. Asqazan ishek joldarynyń rentgeni jasaldy. Abdomınaldy sındromy bar jedel respıratorlyq vırýstyq juqpa degen dıagnoz qoıyldy. Bala jergilikti pedıatrdyń, gastroenterologtyń baqylaýyna jiberildi», - dedi mekemeden.
Úıge oralǵan soń ertesine qyzdyń jaǵdaıy nasharlaı túsken. Jedel jərdem taǵy ony oblystyq aýrýhanaǵa jetkizdi.
«Aýrýhanaǵa túskende oǵan Reı sındromy degen dıagnoz qoıyldy. Bala 11 qazannan bastap aýyrǵan. Anasy oǵan birneshe ret 500 mg jəne 1 gr paratsetamol tabletkasyn bergen. Balanyń jaǵdaıy odan jaqsarmaǵan. Ekinshi ret túskende balanyń jaǵdaıy óte aýyr boldy. 16-18 qazan aralyǵynda bala jansaqtaý bóliminde jatty. 18 qazanda balanyń qaıtys bolǵany týraly aıtyldy»,- dedi aýrýhana dərigerleri.
