Almaty oblysynda dámhanaǵa barǵan jigitti óltirip ketti
TALDYQORǴAN.QazAqparat - Almaty oblysynda dámhanaǵa barǵan jigit pyshaq jaraqatynan mert boldy. Oqıǵa Alakól aýdanynda qańtardyń 2-nen 3-ne qaraǵan túni bolǵan, dep habarlaıdy QazAqparat tilshisi.
35 jastaǵy jigit aýrýhanada esin jımastan kóz jumdy. Anyqtalǵandaı, Úsharal qalasyndaǵy dámhanalardyń birinde eki jigit sózge kelispeı qalǵan.
«Jigittiń bireýi kafeden shyǵa beriste biriniń ıyǵynan ıterip jibergen. Sodan soń ekeýi dalada tóbelesip, sońy adam ólimimen aıaqtalǵan», dep málim etti oblystyq ІІD baspasóz qyzmeti.
Alakól aýdanynyń polıtseıleri oqıǵa ornyna kelip, kúdiktini beınebaqylaý kamerasynyń kómegimen anyqtady. Qazir kúdikti ustalyp, qamaýǵa alyndy. Atalǵan fakti boıynsha QR QK 99-babyna sáıkes is qozǵalyp, tergeý jalǵasýda.
