Almaty oblysynda dalada adasyp ketken zeınetker bir kúnnen soń tabyldy
TALDYQORǴAN. QazAqparat - Almaty oblysy Aqsý aýdany Kóshkental aýyldyq okrýgindegi «Shaıtýma» ýchaskesine sańyraýqulaq terýge shyqqan 72 jastaǵy Antonına Pak esimdi áıel adasyp ketken, dep habarlaıdy QazAqparat.
Oqıǵa 21 sáýirde bolǵan. Zeınetkerdiń týystary jergilikti qutqarýshylardyń kómegine júgingen bolatyn.
«2018 jyldyń 22 sáýirinde tańǵy 6-dan Almaty oblysy Tótenshe jaǵdaılar departamenti jedel-qutqarý otrıady, órtke qarsy qyzmeti, Aqsý AІІB qyzmetkerleri izdeý jumystaryna jumyldy. Jalpy izdeýge 35 adam men 9 tehnıka birligi tartylǵan bolatyn», - dep atap ótti oblystyq TJ departamentiniń resmı ókili Azamat Jurtbaev.
Aıta keterligi, izdeý jumystary nátıjesin berdi. Zeınetker qart 22 sáýir kúni tabylyp, ol Taldyqorǵan qalasyndaǵy turǵylyqty jerine jetkizilgen. Medıtsınalyq kómekten bas tartqan, qazir jaǵdaıy jaqsy.
