Almaty oblysynda byltyrǵy shomylý maýsymynda 79 adam sýǵa ketken
TALDYQORǴAN. QazAqparat - Almaty oblysynda jyl saıyn shomylý maýsymynda TJD jedel-qutqarý jasaǵy beketteri joq sý qoımalarynda azamattardyń qaýipsizdigine qatysty kúrdeli jaǵdaı qalyptasýda.
Buǵan deıingi jazǵy shomylý maýsymynyń statıstıkasy kórsetkendeı, oblystaǵy ózender, toǵandar, sýarý kanaldary jáne basqa sý qoımalarynyń kúzetilmeıtin ýchaskelerinde 79 adam, sonyń ishinde 16 bala sýǵa ketip ajal qushqan.
Tótenshe jaǵdaılardyń oryn alýyna qutqarýshylar qadaǵalamaıtyn sý qoımalaryndaǵy azamattardyń demalýy, sýdaǵy qaýipsizdik erejelern bilmeý nemese saqtamaýy, jekemenshik demalys aımaqtary ıeleriniń sýdaǵy qaýipsizdik erejelerin oryndamaýy, spırttik ishimdikterdi ishýi, júze bilmeýi, balalardy eresekterdiń qaraýynsyz sý jaǵasynda qaldyryp ketýi sebep bolady.
Tótenshe jaǵdaı kezinde qutqarý qyzmetiniń «112» nómirine habarlasý kerek.
