Almaty oblysynda byltyr jóndelgen jol jaramsyz bolyp qaldy
TALDYQORǴAN.QazAqparat - Almaty oblysynda shuryq-tesikke aınalǵan jol byltyr ǵana 50 mln teńgege jýyq qarjyǵa jóndelgenin, Ony jergilikti ákimdik rastady, dep habarlaıdy QazAqparat tilshisi.
Eskeldi aýdanynyń Qarabulaq aýyldyq okrýgine qarasty Mataı Baıysov aýylyndaǵy Kúlásh Baıseıitova atyndaǵy kóshege byltyr kúrdeli jóndeý júrgizilgen. Bastapqy kelisimshart boıynsha 42 mln 179 myń teńge, qosymsha kelisim shartpen taǵy 7 mln 256 mln teńge bólingen. Osylaısha eki shaqyrymǵa jeter jetpes jolǵa 49 mln 436 myńnan asa qarajat jumsalǵan.
Qazir ákimdik jóndeý júrgizgen merdiger joldyń sapasyna eki jylǵa deıin jaýapty ekenin aıtyp, barlyǵy qalypqa keltiriletinin jetkizdi.
«Kelesi aptada joldy qaıta qalpyna keltirý bastalady. Óıtkeni, kún endi jylynyp keledi. Kósheniń jolyn jasaǵan merdiger kompanııamen kelisimshart bolǵandyqtan, olar joldyń sapasyna 2 jylǵa deıin jaýapty», - dep málimdedi Eskeldi aýdany ákiminiń baspasóz qyzmetinen.
Aıta keteıik, Kúlásh Baıseıitova kóshesindegi 1820 metrlik joldy «Jetisý Jol Qurylys» JShS júrgizgen. Al tapsyrysty «Eskeldi aýdanynyń jolaýshylar kóligi jáne avtomobıl joldary bólimi» bergen.
