Almaty oblysynda bútin bir otbasynan aıyrylǵan áıeldiń jaǵdaıy belgili boldy

QONAEV.QazAqparat - Almaty oblysynda bútin bir otbasynan aıyrylǵan áıeldiń jaǵdaıy belgili boldy. Jalǵyz tiri qalǵan naýqastyń densaýlyǵy jaqsaryp keledi, dep habarlaıdy QazAqparat tilshisi.

«4 mamyr kúni 1985 jylǵy naýqas Qarasaı aýdandyq kópsalaly aýrýhanasyna tústi. Jaǵdaıy óte aýyr boldy. Júrgizilgen emniń nátıjesinde áıeldiń jaǵdaıy jaqsaryp keledi. Jansaqtaýdan jalpy bólimshege aýystyrý josparlanýda», - delingen Almaty oblystyq densaýlyq saqtaý basqarmasynyń baspasóz qyzmetiniń habarlamasynda.

Eske sala keteıik, buǵan deıin bútin bir otbasynyń 5 múshesi belgisiz zattan ýlanyp, qaıtys bolǵanyn habarlaǵan bolatynbyz. Mert bolǵandardyń ishinde ákesi jáne 4 balasy bar. Al jalǵyz aman qalǵan balalardyń anasy qazir aýrýhanada jatyr.