Almaty oblysynda burynǵy ákim orynbasaryna para alǵany úshin 22 mln teńge aıyppul salyndy
TALDYQORǴAN. QazAqparat - Almaty oblysy Raıymbek aýdandyq soty aýdan ákiminiń burynǵy orynbasary K. Tólepberdıevke qatysty qylmystyq isti qarady.
Oblys sotynyń baspasóz qyzmeti habarlaǵandaı, laýazymdy tulǵa bola tura K. Tólepberdıev jer ýchaskesin bergeni úshin azamat S-dan 370 000 teńge kóleminde para alǵan.
Sottyń 2015 jylǵy 10 tamyzdaǵy úkimimen K. Tólepberdıev QR QK 366-baby 2-bóliginde (edáýir deńgeıde para alý) kózdelgen qylmysty jasaǵany úshin aıypty dep tanyldy.
Oǵan jeke múlkin tárkileı otyryp, alpys ese soma kóleminde (22 200 000 teńge) aıyppul tóleý jazasy kesildi. Sondaı-aq ómir boıy memlekettik qyzmette, jergilikti basqarý organdarynda jumys isteý quqyǵynan aıyrylady.
Úkim zańdy kúshine engen joq.
