Almaty oblysynda búldirshin qyzdy pedofılden qutqarǵan oqýshy bilim grantynan bas tartty
ASTANA. QazAqparat - Almaty oblysynda 8 jasar qyzdy pedofılden qutqarǵan oqýshy bilim grantynan bas tartty, dep habarlaıdy KTK arnasy.
Jergilikti bılik Tımýrbek Jamaladdınovke jasaǵan batyldyq áreketi úshin Almatydaǵy joǵary oqý oryndarynyń birine tegin bilim grantyn syıǵa tartqan bolatyn. Alaıda, 11-synyp oqýshysy emtıhandardy basqa túlekter sekildi óz kúshimen tapsyrǵysy keletinin aıtty.
«Mal dárigeri bolǵym keledi. Bul - meniń armanym. Ákim grantymen bolmasa da, Agrarlyq ýnıversıtetke óz kúshimmen túsetin bolamyn. Barlyq emtıhandardan súrinbeı ótetinime senimdimin. Alla qalasa, bári jaqsy bolady», - deıdi Tımýrbek.
Dıplom alǵan soń ol týǵan aýylyna kelip, qartaıǵan ata-ájesine kómekteskisi keledi.Oǵan dıplommen qatar, planshet pen mobıldi telefon syıǵa tartyldy.
Eske sala keteıik, 14 sáýir kúni Almaty oblysy Eńbekshi qazaq aýylynda 8 jasar qyzdy zorlamaq bolǵan 32 jastaǵy adamnan sol aýyldaǵy orta mekteptiń 11 synyp oqýshysy Tımýr Jamalladınov qutqaryp qalǵan bolatyn.
Al, 21 sáýirde oǵan Almaty oblysy ákiminiń bilim granty beriletindigi jarııalandy. Bul sheshimdi oblys ákimdigi qabyldaǵan bolatyn.
