Almaty oblysynda býkespe urylar toby quryqtaldy
TALDYQORǴAN. QazAqparat – Almaty oblysynda polıtsııa qyzmetkerleri jeke turǵyn úılerden urlyq jasap júrgen qylmystyq topty quryqtady, dep habarlaıdy QazAqparat.
Urylar toby Túrkistan men Qyzylorda oblysynyń buryn isti bolǵan úsh turǵynynan qurylǵan. Olar Almatyda jalǵa beriletin páterlerdiń birinen ustalǵan. Qylmyskerlerdi Іle aýdandyq polıtsııa bóliminiń qyzmetkerleri quryqtady.
«Ustalǵandardyń jastary 28-34 aralyǵynda. Olardyń árqaısysy buryn qylmystyq jaýapqa tartylǵan. Olar jeke turǵyn úılerdiń plastık terezelerin buzyp kiretin bolǵan. Qylmystyq top zańsyz áreketteriniń birin Boraldaı aýylynda jasaǵan. Ol oqıǵa boıynsha quny 1,5 mln teńge turatyn áshekeılik buıymdary tabyldy. Urlanǵan altyndar tabyldy, olar qalalyq lombardttardyń birinen alynyp, qylmystyq tergeý materıaldaryna zattaı dálel retinde engizildi»,-dedi Almaty oblystyq Polıtsııa departamentiniń baspasóz qyzmeti.
Polıtsııa quryqtalǵan qylmystyq toptyń bıylǵy jyldyń mamyr aıynan bastap Almaty oblysynyń Іle, Qarasaı aýdandarynda jasalǵan 20 qylmysqa qatysy bolýy múmkin degen kúdik keltirip otyr.
«Urlyq boıynsha sotqa deıingi tergeý QR QK-niń 188 baby, 3 bóligine saı júrgizilýde. Kúdiktiler qamaýda otyr»,-dep habarlady baspasóz qyzmeti.
Avtory: Hasan Espanov
