Almaty oblysynda budan bylaı tyl eńbekkerlerine shıpajaıǵa tegin joldama beriledi

TALDYQORǴAN.QazAqparat - Almaty oblysynda budan bylaı tyl eńbekkerlerine shıpajaıǵa tegin joldama beriledi. Bıyl oblys qazynasynan bólingen qarjyǵa 1600 soǵys ardageri men múgedegi jáne ardager jesirleri densaýlyǵyn túzep qaıtty, dep habarlaıdy QazAqparat tilshisi.

Taldyqorǵanda ótken ardagerler uıymynyń 30 jyldyq mereıtoıyna arnalǵan saltanatty jıynda oblysy ákimi Amandyq Batalov keler jyly bul qarajat eselene túsetinine senim bildirdi. Jıyn barysynda Jetisý óńiriniń damýyna atsalysyp júrgen qarııalar mereıtoılyq medaldarmen, oblys ákiminiń qurmet gramotalarymen marapattaldy. Sondaı-aq «Qarııasy bar el - qazynaly el» atty kitaptyń tusaýy kesildi. Toptamada Ekinshi dúnıejúzilik soǵystaǵy batyrlardyń erlikteri, óńirdiń dara tulǵalary men táýelsiz Qazaqstannyń qalyptasýyna úles qosqan azamattar áńgimelenedi.