Almaty oblysynda brakonerlerden 2 284 kıik múıizi tárkilendi

NUR-SULTAN. QazAqparat – Keshe Almaty oblysy aýmaǵynan 3 brokoner ustaldy, dep habarlaıdy QazAqparat tilshisi QR Ekologııa geologııa jáne tabıǵı resýrstar mınıstrligi orman sharýashylyǵy jáne janýarlar dúnıesi komıtetine silteme jasap.

«28 shilde kúni saǵat 15:06 shamasynda Almaty oblysynyń quqyq qorǵaý organdary, ulttyq qaýipsizdik komıtet jáne «Ohotzooprom» mekemesiniń ınspektorlarymen birlesken is-shara ótkizý barysynda Almaty oblysy, Іle aýdanynyń aýmaǵynda 3 brakonerdi ustady. Olar: BQO, Almaty oblysy jáne Qytaı halyq respýblıkasynyń (QHR) týmasy. Tekserý barysynda 2 284 dana kıik múıizi tabylyp, tárkilendi», - degen aqparat taratyldy komıtetten.

Habarlamada aıtylǵandaı brokonerler kıik múıizderin 26 qorapqa bólip salǵan.

Qazir atalǵan faktige qatysty QR QK 339-baby 1-1-bóligi boıynsha qylmystyq is qozǵaldy. T ergeý amaldary júrip jatyr.