Almaty oblysynda boıjetken 6 kúnnen beri tabylmaı jatyr
TALDYQORǴAN. QazAqparat - Almaty oblysynda alty kúnnen beri iz-túzsiz joǵalǵan 18 jastaǵy Aıgúl Amangeldini izdeý jalǵasýda, dep habarlaıdy QazAqparat tilshisi.
Almaty oblystyq Polıtsııa departamentiniń baspasóz qyzmetiniń málimetinshe, boıjetken 13 mamyr kúni úıinen shyǵyp ketip, oralmaǵan. Talǵar aýdanynyń Belbulaq aýylyndaǵy úıinen shyǵyp ketken Aıgúl Janatbekqyzyn izdestirýge polıtseıler, eriktiler, qyzdyń týystary, jumyldyrylǵan. Olar jer-jerdegi taý, ózen mańyn barlyq jerdi izdestirip jatyr.
Qyz balanyń boıy shamamen 167-168 sm, orta deneli, kózi kókshil-sur. Ústine kók shalbar, aq jeıde kıgen. «Іz-túzsiz joǵalǵan turǵyndy izdeýge aýdannyń polıtseıleri men eriktileri jumyldyrylǵan. Eger kimde-kim Aıgúl Amangeldi jaıly qandaı da bir aqparat biletin bolsa birden 8 (7282) 600-232, 600-233, 8 (727) 295-61-05, 295-63-96 nemese 102 nomerlerine habarlasýlaryńyzdy suraımyz», - delingen atalǵan vedomstvonyń taratqan aqparatynda.
Eske salsaq, buǵan deıin Almaty oblysynda 18 jastaǵy qyz iz-túzsiz joǵalyp ketkeni týraly jazǵan bolatynbyz.
