Almaty oblysynda bostandyqqa shyqqan qylmysker qaıta qamaýǵa alyndy
TALDYQORǴAN. QazAqparat - Almaty oblysynda 76 jastaǵy ájeni býyndyryp óltirdi degen kúdikti ustaldy, dep habarlaıdy QazAqparat tilshisi.
Qazir 48 jastaǵy kelinshek ýaqytsha ustaý ızolıatoryna qamaldy. Kúdikti buǵan deıin esirtki saýdalaýmen aınalysyp, 11 jylǵa bas bostandyǵynan aıyrylǵan bolatyn. 9 jylyn abaqtyda ótkizgen áıel temir tordan bosatylyp, qaıta qylmystyq jaýapkershilikke tartylýda
Oqıǵa Úshtóbe qalasynda bolǵan. Jer úılerdiń birinen keıýananyń múrdesi tabyldy. Arnaıy saraptama qorytyndysyna sáıkes, jábirlenýshini qınap, qylqyndyryp óltirgen.
Anyqtalǵandaı, kúdikti kelinshek jalǵyz turatyn úshtóbeliktiń úıin tonaýǵa kelgen. Sol sátte keıýana uıqysynan oıanyp ketken kórinedi. 76 jastaǵy áje shamasy kelgenshe uryǵa qarsylyq tanytqan. Biraq, sońynda qaskóı qartty óltirip, úıinen baǵaly áshekeı buıymdary men zeınetaqysynan jınap tergen qarjysyn qoldy qylǵan.
Kúdikti óz qylmysyn moıyndady. Qazirgi tańda QR QK-niń 99-baby boıynsha is qozǵalyp, tergeý jumystary jalǵasýda.
