Almaty oblysynda boranǵa baılanysty respýblıkalyq joldar jabyldy

TALDYQORǴAN. QazAqparat - Almaty oblysynda aýa raıynyń buzylýyna baılanysty birqatar joldar jabyldy, dep habarlaıdy QazAqparat.

Búgin «QazAvtoJol» UK AQ men «Qazaqavtojol» JShS Almaty oblystyq fılıaldary málimet taratty.

Oǵan sáıkes 12 aqpan kúni saǵat 18:30-dan bastap aýa raıynyń nasharlaýyna baılanysty respýblıkalyq mańyzy bar «Úsharal-Dostyq» (84-184 km) jáne oblystyq mańyzy bar «Almaty-Óskemen» avtojolynyń «Qapal-Arasan» (0 men 45 shaqyrymy) jáne Qapal aýylyna kireberistegi 16 shaqyrym jol jabylǵan.

Bul joldarda kóliktiń barlyq túriniń qozǵalysyna tyıym salyndy.

Qazir oblysta qatty boran soǵyp tur, joldar anyq kórinbeıdi.

Almaty oblysynyń tótenshe jaǵdaılar departamenti azamattardan osy baǵyttaǵy sapardan bas tartýǵa jáne 112 qyzmeti beretin SMS habarlamalardy nazardan tys qaldyrmaýdy suraıdy.

Alys jolǵa shyqqan kezde aýa raıy boljamymen tanysyp, tótenshe jaǵdaılarda sizge kómektesetin barlyq qajetti zattardy ózińizben birge alyp júrińiz.